*** ((( يــا حمــــار )) ***

سلام عليكم
ازيكم
وبدون مقدمات

نخش فى الموضوع

لما حد يقولك يا حمار بتزعل ..؟؟
طيب بتزعل ليه ..؟؟
معلش بس ماتقولشى عليا مجنون
جاوبنى وقوللّى بتزعل ليه ..؟؟
عشان شبهك بحيوان .. ؟؟
طب ماهو لو قولتلك يا اسد مش هتزعل
لو قولتلك يا ديناصور مش هتزعل
لو قولتلك يا نمر مش هتزعل
لو قولتلك يا فهد مش هتزعل
ماهى كل دى حيوانات
يبقى مش السبب انه عشان حيوان

طيب نرجع تانى ونسال ...؟؟
بتزعل ليه لما حد يقولك يا حمار ..؟؟
عشان الحمار غبى يعنى .. ؟؟
ويمن قال ان الحمار غبى
الحمار من ازكى الحيوانات على وجه الارض
وحيوان ذو طابع هادئ جدا جدا
ثم ماهو اللى بيشتغل بجدية اوى اوى بنقول
عليه ده حمار شغل ... صح ؟؟
اشمعنى بقى مابتزعلشى لما حد يقولك انت حمار شغل
بردو ما حدش جاوبنى لسه على سوالى ...؟؟
ليه بتزعل لما حد يقولك يا حمار

بالرغم ان الحمار هو اوفى واقدم اصدقاء الانسان
صداقة عشرات الالاف من السنين
طيب بتزعل عشان شكله وحش يعنى

ياسلام

يعنى هو الاسد اللى امور اوى
القرد اللى شكل حسين فهمى مثلا
الفيل اللى واخد ملك جمال الحديقة

ماهو ممكن اوى تسمع اى حد بيناديلك اى اسم
من اسماء الحيوانات دى ... ما بتزعلشى ليه
بردو يا اخى السوال عمال ينخور فى نفوخى

بتزعل ليه لما حد يقولك يا حمار
عشان بياكل تبن وبرسيم
طب ما الاسد بياكل ( رمّة ) حاجات معفنة
مابتزعلشى ليه

بردو محدش هيجاوب لسه
طيب عموما ... انا هستنى منكم ردودكم
وعاوز اعرف بجد من كل واحد هيخش
لو حد قالك يا حمار بتزعل ليه
ادونى سبب واحد انكم تزعلوا

ولما نخلص الردود كلها
انا هقولكم انا ليه ازعل لو حد قالى ( يا حمار )
هيا المشكلة فى الحمار نفسه
انما اللى بيقول لحد يا حمار بيكون قاصد تشبيه معين انه خادم ومش عارف ومش فاهم هو بيعمل ايه شغال وخلاص
نفس الكلام لما حد يقول لحد يا اسد ( بس يقصد انثى الاسد ) طبعا كلنا عارفين الاسم المقصود بتكون شتيمة لأنه مش بيكون قاصد انه يوصفه بشجاعة ولا قوة الاسد
كمان الحمار جت سيرته فى القرآن وتشبيه انه بيحمل اسفارا كتشبيه للى بيحمل العلم ومش عارف يعمل بيه ايه
انما كلمة حمار شغل فده بيكون تشبيه حسن يعنى تشبيه بالمجتهد مش اللى بيشيل وخلاص
يعنهى وجة نظرى المضمحلة ده يمكن تكون اقرب للصواب